السلام عليكم و رحمة الله
كيفكم يا جميلاتي اش اخباركم ...؟؟
اول حاجه قبل كل شيء حابه اقولكم كل سنه و انت طيبين واضحي مبارك ان شاء الله
اول حاجه قبل كل شيء حابه اقولكم كل سنه و انت طيبين واضحي مبارك ان شاء الله
بعد بوست مطعم رمسيس و اللي كان من اكثرالبوستات مشاهده على المدونة
فكرت اسوي لكم بوست ثاني لمطعم ثاني في جده بما انه الاجازة جات و قرب العيد اكيد راح تحتاجي تأخذي فكره عن مطعم جديد و مكان جديد
مطعمنا اليوم برازيلي BRASA DE BRAZIL
المطعم موجود بالحمراء ابدا مكانه مو واضح قريب من شارع فلسطين قبل ساكو >> ام الوصف
المهم انه نحن شفنه بالصدفه و بما انه كنا لحالنا بدون الاولاد قررنا نجرب العشا فيه
طبعا دخلنا المطعم و كان مليان بس لقينا لنا طاولة بس بعد ما فضي المطعم شويه غيرنا جلستنا هذه صوره للجلسات بعد ما فضي المطعم شوي
اول ما دخلنا جاء الجرسون و شرح لنا نظام المطاعم و انه
يومها كان نظام المطعم بوفيه بس من نوع خاص
اول حاجه راح تعملي لك صحن السلطه من بوفيه السلطه كان حلو و متنوع بس للاسف ما صورته لانه ما كان في بالي وقتها اعمل بوست عنه
و ممكن تختار شوربه من اختيارك كان موجود شوربة سمك و شوربة دجاج
و بعد كذه تبدأ المشاوي
طريقة المشاوي
موجود فوق كل طاوله قطعه خشبيه لها لونين احمر و اخضر لما تنتهي من السلطه و حابه تبدأي بالمشاوي راح تقلبي القطعه الخشبيه للجهة الحمراء و راح يجي الجرسون و يبدأ ينزل لك المشاوي
اللي هي عباره عن سيخ من كل نوع و الانواع هي
سمك جمبري دجاج ساده دجاج بالكزبره بط غزال نعام بقر و لحم خروف
ممكن تلغي الاشياء اللي مو حابها و انا طلبت يزود السمك و الجمبري و زود كمان سيخ من كل نوع
تجر بتي و رأيي
انا جربت الشوربه عندهم و هي شوربة دجاج و كانت لذيذه جداً
العصير
بعد كذه طلبنا المشاوي
اول حاجه كان سمك و كان حلو كطعم و تتبيله بس ذوقت اللي احلى منه
و بعد كذه الجمبري اكثر حاجه عجبتني و طلبنا زياده منه
الدجاج كان اقل من عادي
الدجاج بالكزبره تتبيلته مره قويه
لحم الغزال اول مره في حياتي اذوقه فما اقدر احكم عليه
البط ما جربته
النعام كمان ما جربته
البقر ما جربته
الخروف لا بأس به ما كان مثل ما تصورته
اخر شيء جاب سيخ فيه اناناس مرشوش بالقرفه
صراحه الطعم ابداً ما توقعت انه راح تتوافق النكهات كذه
بعد كذه جاء وقت الحلى
كان يحتوي على كريم كراميل و مهلبيه ما اتوقع انه هذا حلى برازيلي
و انواع ثانيه
جربت المهلبيه ابداً لا مو مهلبيه كان طعم ثاني
و هذا حلى ثاني
الخدمه
للأمانه كانو بشوشين جدا و الخدمه كانت ممتازه
الاسعار
مو فاكره السعر بالضبط
بس نحن الاثنين كان حسابنا في حدود 350 ريال مو اكثر
في الاخير حابه اقول كان تجربه جديده و جربت لحم الغزال لاول مره
لكن الاكل كان اقل من المتوقع ومو ممكن ما اكرر الزياره
و هذا كان رأي عن المطعم
اتمنى يكون عجبك البوست و استفدتو منه
تابعوني في تويتر و الانستغرام و اي سؤال انا موجوده اذا كان هنا او بتويتر او الانستغرام
ليست هناك تعليقات:
إرسال تعليق