كيف تختاري الفاونديشن المناسب لك ؟؟

                                                        السلام عليكم و رحمة الله و بركاتة ........

كثييير منا لما تروح تبغى تشتري الفاونديشين
 تدفع مبلغ  بكريم اساس foundation

و تتفاجأ انو مو مناسبها ليه ؟؟؟ 

ممكن تحصل وجهك كأنه حاطه زيت .. بعضهم وجهها يتقشر ع طول 

بعضهم تلاحظ جداً سيئة بمعنى انه ما يخفي شيء 

و تتحسر و تقول شاريته من ماركة غالية و ما ادري ايش ...<< ترى صار لي الموقف هههههه

 عشان تقدري تلاقي الاساس Foundation اللي يناسبك فيه اشياء لازم تعرفيها :

1. لازم تكونين عارفة نوع بشرتك 
هل هي (( دهنية , جافة , مختلطة ))

2. تحددين طلبك 

انت وش  تبغي 

للصباح الجامعة و الطلعات الخفيفة 

او 

للسهرات و المناسبات 

3. اختيار اللون المناسب 

دايما حاولي تختارين لون قريب من لون بشرتك او اغمق منه بدرجة واحدة فقط

لا تأخذين افتح من لونك لانو راح يبان كأنك مهرج و شكلك غلط

4. البحث في النت 

قبل ما تخرجي السوق بوقت لازم تسوي Search عن فاونديشن يناسب نوع بشرتك وش هي الدرجات الموجودة

اذا فيه سواتشز عليه شكل العلبة الخارجي كيف ...الخ  

5. التجربة ثم التجربة 

لازم قبل ما تشتري تجربيه دايما اخذ معي علب صغيرة عشان اجربه في البيت اكتب على العلب اسم الشركة 
الدرجة و اشوف اذا يناسبني اشتريته و اذا درجته تمام او لا ...
لا تقولين راح اتفشل لما اطلب منها , لا يا حبيبتي انت في الاخير اللي بتستخدمينه و انت اللي بتدفعين مو هي .

هذه العلب الصغيرة اشتريتها من الدانوب و ممكن تحصلي في جرير كمان 

و بس
اتمنى انكم استفدتوا من البوست 
و يساعدكم تشتروا الفاونديشن المناسب لكم 
باي باي 

JANOON