MORE THAN ONE

السلام عليكم و رحمة الله 

كيفكم جميلاتي .... اخباركم ؟؟؟

انا عارفه اني ساحبه على ام البلوق و بقووووة بس اعذروني دخلت في اختبارات و دوشه الله ينهي هالاختبارات على خير 

و الا في بالي كم بوست راح انزلكم البوستات او ما يسمح وقتي 

و الا انتم دايما على البال 

طولت في الكلام لكن خلاص راح ادخل في البوست على الطول 

بوست اليوم راح يكون عباره عن سلسلة بوستات هي 

M0RE THAN 0NE 

و فكرة هذه السلسله  انه راح اتكلم عن منتج اشتريته و استخدمته لاكثر من استخدام يعني غير استخدامه الاصلي

يعني انا احيانا بأشتري حاجه سمعتي عليها مدح او نزل شي جديد حابه تجربيه و تفاجأتي انه ما استفدتي منه بالعكس ضيعت فلوسي عليه ... 

انا ساعتها راح افكر استفيد منه بطريقه ثانيه لانه صدقوني درجي صار مليان أشياء ما أستفدت منها

ان شاء الله كذه فهمتوا معايه فكرة السلسلة 

و في كل بوست من السلسلة راح اتكلم عن منتج جديد

اول بوست اليوم راح اتكلم عن

الكونسيلر 

مين منا ما اشترت كونسيلر و لقيت انه درجته ما تناسبها او انها كانت تبغى فل كفر و لقيته  يعكس كذه تمام 

انا مريت بهذه المشكله و راح اقولكم اليوم اكثر من طريقة 

تستخدمي فيها الكونسيلر بحيث انه تستفيدي منه بدال ما هو جالس في الدرج 

يالله نبدأ بسم الله

1.

تستخدميه تحت  او فوق الحاجب 

اذا كنت مشقره حواجبك او لا ...

و حابه تخفي جزء من شعر حواجبك  عشان تضبطي رسمة حواجبك او تعيدي رسمها   فأستخدمي الكونسيلر تحت الحاجب مديه على طول الحاجب من تحت بأستخدام  فرشة الكونسيلر و أنا افضل فرشة سيجما للكونسيلر
استخدم كونسيلر ميك اب فورايفر اشتريته لتغطية الهالات بس ابدا ما فادني

وممكن تستخدميه فوق الحاجب عشان تحددي حاجبك اكثر اذا حسيت انه حاجبك مو مرتب و حابه ترتبي رسمة حاجبك اكثر
بعد كذه ترسمي حواجبك ببودرة الحواجب او بالطريقه اللي تعجبكي
و صدقيني رسمة الحواجب راح تفرق معاك و تغير ملامح وجهك بشكل كبيير
وممكن تعطي وجهك اشراقه اكثر  او ممكن تعطيك اكبر من عمرك و اكبر مثال شوفوا الفرق في الصوره

2.

بيس او برايمر للأي شدو
فيه الوان من الاي شدو ما يوضح لونها و يبان الا بعد ما تحطي البيس على كامل الجفن
و بعد كذه تبدئي تحطي الاي شدو راح تلاحظي لون واضح وممكن كمان يعطي ثبات للانواع الغير ثابته

انا كنت استخدم كونسيلر من ماك اشتريت كونسيلر درجته كانت مو مناسبتني
فأستخدمته كبيس على الجفن

3.
لتثبيت الروج
او
اذا كنت من الناس اللي تعاني من سواد في الشفايف و مايطلع لون الروج معاك

عندك مناسبه و حابه الروج يقعد معاك اطول فتره ممكنه
راح اقولك الطريقه بالتفصيل
راح تحتاجي كونسيلر
استخدام كونسيلر ماك و احيانا اي كونسيلر يكون ستيك
اول حاجه راح تمدي الكونسيلر على كل شفايفك عادي كأنه روج
بعد كذه راح تستخدمي lip liner  المحدد بنفس لون الروج
و اخر خطوة راح تحطي الروج على كامل الشفاه
راح يعطي شفايفك لوك حلو 
و كمان لون الروج راح يكون واضح اكثر

بكذه اكون انتهيت من البوست 
ان شاء الله اكون افدتكم بأفكار جديده 
و اللي عندها فكره ثانيه يا ريت تشاركنا هي على حسابي في تويتر و الانستغرام

في حفظ الرحمــن 


Janoon 

يوم خاص بنكهة برازيليه Brasa... De Brazzl

السلام عليكم و رحمة الله 

كيفكم يا جميلاتي اش اخباركم ...؟؟
اول حاجه قبل كل شيء حابه اقولكم كل سنه و انت طيبين واضحي مبارك ان شاء الله 

بعد بوست مطعم رمسيس و اللي كان من اكثرالبوستات مشاهده على المدونة
فكرت اسوي لكم بوست ثاني لمطعم ثاني في جده بما انه الاجازة جات  و قرب العيد اكيد راح تحتاجي تأخذي فكره عن مطعم جديد و مكان جديد
مطعمنا اليوم برازيلي BRASA  DE BRAZIL

تاغ الجمال Beauty Blogger tag

السلام عليكم و رحمة الله 

كيفكم يا جميلاتي 

تدوينة اليوم راح تكون عن تاغ الجمال

اختاروني الجميلات 

Sama

&

Diamond

&

سيرين محمد

 يسعدني اختياركم ليه يا جميلات  و اسفه مره على التأخير 

القوانين :

- التصريح بان التاق من ابتكار the beau bow
- أختار 5 بيوتي بلوقرز للمشاركة في التاق
- أعنون الموضوع باسم التاق

يالله نبدأ ,

عندما يعاندك الميزان ...؟

السلام عليكم و رحمة الله و بركاته 

كيفكم بنات اش اخباركم ...انا عارفه اني مقصره معاكم مره بس ان شاء الله اعوضكم قريب 

بعد تدوينة جسم صحي و طلة احلى للعيد

و اللي كثير حبيتوها .... حبيت اتكلم في هذا البوست بخصوص الدايت او بمعنى اصح اهم مشكله بتواجهنا لما نبدأ نعمل الرجيم
و هي لما يعاندك الميزان و يثبت وزنك و على قد ما تحافظي على رجيمك و  الرياضه لكن مع كذه وزنك ثابت و احترتي اش راح تعملي و ممكن تكتأبي وتفكري ( طب انا ملتزمه بالرجيم و بأعمل رياضه يوميا لكن مع كذه وزني ما بينزل ؟؟؟)
انا راح اقولك الاسباب و الحلول بس في الاول حابه اقولكم شيء انا ما ادعي المثاليه او اقول اني صاحبة وزن مثالي بالعكس تمام
لكن انا انسانه صاحبة خبره في موضوع الرجيم و من زمان من ايام المراهقه و حابه انقلكم تجاربي 

المهم خلينا نرجع لمحور حديثنا و موضوع البوست هو اش سبب ثبات وزنك بعد فتره من الرجيم ؟؟؟ و كيف تحركي وزنك و تخليه ينزل ؟؟

اول حاجه راح اتكلم عنها هي الاسباب لييييييييييه ؟؟؟؟؟؟؟؟؟
اكيد  ليه كبيره كمان في عز حربي على السمنه تجي الكارثه وزني ما نزل 
كأن كل شيء قاعده اعمله راح كأني ما سويت شيء صراحه ممكن ساعتها اصوم الاكل و أبدأ حرمان نفسي من الاكل 
كنت ما اعرف طيب وش الحل ملتزمه بالرجيم و الرياضه و ما خبصت في الاكل لكن مع كذه وزني ما ينزل 
طيب ليه ...؟؟؟

WEEKEND PARTY مناسبه في نهاية الاسبوع

السلام عليكم و رحمة الله و بركاته 

كيفكم بنات خلاص بدأت الدراسه ان شاء الله تكون سنه  مليانه بالسعاده  و الذكريات الحلوه اللي راح تتذكريها بعدين و تضحكي عليها كمان

اليوم راح اتكلم عن المناسبات اللي تكون في نهاية الاسبوع ال weekend .

دايما بداية الدراسه من التعب و المشي  ما اصدق متى يجي يوم الاربعاء ... اقصد الخميس عشان ارتاح و انام بعد لخبطة الاسبوع كامل
لكن عز الغلاسه لما يكون في مناسبه او عزيمه ضروري احضرها في اخر الاسبوع
لانه كلنا عارفين انه مع اول اسبوع في الدراسه و لخبطت النوم البشره معدووومه هالات و حبوب و عيون منتفخه من قلة النوم
صراحه ممكن اكنسل الطلعه كلها عشان هذا الموضوع

في هذا البوست كتبت اغلب العيوب اللي ممكن تعاني منها و طريقة معالجتها اذا بأشياء طبيعيه او بالمكياج 

يالله نبدأ

The most important product you need

السلام عليكم 

كيفكم بنات.... يسعد لي اوقاتكم 

مره مشتاقه لكم و للتدوين بس مع رمضان الحمد الله ما فيه وقت ابداً الله يعيده ان شاء الله

و الان بعد ما فضينا رجعنا للتدوين و قلت اتكلم لكم اليوم عن اول و اهم مستحضر لازم تشتريه للجامعه او المدرسه هو
 واقي الشمس Sun Block 
ومن اهميته حبيت اتكلم عنه في بوست لحاله و كمان لاني من الناس اللي احب التغير في كل مستحضراتي ما ادخل صيدليه الا لازم اكتشف منتج جديد و احب دايما اغير و اجرب و اجدد 
عشان كذه حابه في هذا البوست اشاركم تجاربي 

تدوينة غير لشهر الخير

السلام عليكم و رحمة الله و بركاته ..... كيفكم بنات وش اخباركم 

حبيت اليوم اكتب لكم تدوينة جديدة و غييير بما انه نحن في شهر رمضان شهر العطاء فحسيت انه هذا أنسب وقت لهذه التدوينة 

راح اتكلم فيها عن ابسط و انبل انواع العطاء و هو
التبرع بالدم 

دينا الاسلامي حثنا على هذا الشيء من زماااان
 و الدليل  قوله تعالى :  ( و من أحياها فكأنما أحيا الناس جميعا )
لكن لازال الناس متخوفين من هذا الشيء 
انت ما تفكري بس ممكن اذا تبرعتي بالدم تنقذي حياة انسان يكون محتاج لهذا الدم 
او تساعدي شخص عشان يعمل عمليه جراحية راح تنقذه بس مأجلينها عشان ما فيه نفس فصيلة دمك 
ياما نقرأ في تويتر عن ناس محتاجين لمتبرعين مع انه سكان المملكة فوق 28 مليون لو بس عشرة مليون يتبرعون بالدم ما اعتقد انه راح نلاقي هذه التغريدات في تويتر 

*للحصول على جسم صحي و طلة احلى للعيد *

السلام عليكم و رحمة الله و بركاته 

مساء الخير 

انا من يوم ما فتحت المدونة و انا في بالي هذا الموضوع

بس اللي خلاني اكتبه فهذا الوقت هو قرب شهر رمضان كل سنة و انتوا طيبين ,
و تعرفون في رمضان تزيد  الاوزان و يكثر الاكل

غير كذه قرب العيد و مين منا ما تحب تكون في العيد سمبتيك و لها طلة غير 

عشان كذه حبيت اذكر لكم تجاربي و رحلتي في نقصان الوزن 

بما اني انسانه مرة ملوووولة و ما احب استمر على نظام معين فترة طويلة و امل بسرعة 

و بعد عدة تجارب معظمها بائت بالفشل  عرفت انه الرجيم القاسي مو مفيد ابداً يعني ممكن تنقصي و اذا استمريتي عليه ممكن توصلي للوزن اللي تبغيه لكن بمجرد ما تتركي الرجيم راح ترجعي اضعاف مضاعفه لوزنك >> مجربه صدقوني

عشان كذه بعد بحث طويل لقيت النظام اللي يساعدني انزل وزني بس بشكل صحي و مفيد و من دون ما احس انه دايت او حرمان 

و يعتمد على ثلاث شغلات 

اولا : الحالة النفسية 

اهم شيء لاي نظام الحالة النفسية كثير بنات بيسمنوا عشان حالتهم النفسية 
و اذا اتبعتي رجيم و ما انت مرتاحة نفسيا ما راح تستمري على نظامك 

مطعم رمسيس في جدة

السلام عليكم صبايا 

كيفكم وش اخباركم 

بما انه خلاص رجعت من السفر و فضيت خلاص 

و هذا اول سبت اجازة يعني اول سبت يكون ويك اند

راح افضى للمدونة و افضى اني اكتب بوستات اكثر 

المهم اليوم بعد ماخلصت شغلي خرجت انا و زوجي عشان نتعشى برا

 و كان جاي مزاج زوجي على الاكل المصري 

بينما انا حدي في المصري اكل كشري ههههههه غيره لا .. مستحيل اكل او حتى اجرب 

فأشترطت على زوجي نروح مطعم مصري يكون تظيييف مو اي مطعم 

و بعد اللف و الدوران وقع اختيارنا على 

كيف تختاري الفاونديشن المناسب لك ؟؟

                                                        السلام عليكم و رحمة الله و بركاتة ........

كثييير منا لما تروح تبغى تشتري الفاونديشين
 تدفع مبلغ  بكريم اساس foundation

و تتفاجأ انو مو مناسبها ليه ؟؟؟ 

ممكن تحصل وجهك كأنه حاطه زيت .. بعضهم وجهها يتقشر ع طول 

بعضهم تلاحظ جداً سيئة بمعنى انه ما يخفي شيء 

و تتحسر و تقول شاريته من ماركة غالية و ما ادري ايش ...<< ترى صار لي الموقف هههههه

اولى طبخاتي شوربة القرع From my kitchen

السلام عليكم و رحمة الله 

بما انه رمضان قرب 

 راح أبدأ أطباقي بالشوربة

طبعا هذه الشوربة ما تعلمتها الا من شهرين تقريبا 

و صارت الشوربة المفضلة عند زوجي 

و لو أسويها كل يوم ما يقول لا 

يعشقها مرة 

أن شاء الله تعجبكم 

هي سهلة مرة و بسيطة و شهية 

المقادير 

قرع مقطع مكعبات انا اشتري جاهز مقطع في السوبرماركت >> ما فيني اقطعه 

جزر مقطع حلقات 

بصل مفروم 

جمبري >> الجمبري اشتريه من ثلاجات السوبرماركت و مكتوب علية cooked يعني مستوي او جاهز للاكل

كريمة خفق 

ملح و فلفل

الطريقة 

تحمسي البصل في زيت و لما يذبل البصل تضيفي له الجزر

 تحمسيه دقايق بس  و تضيف الملح و كاستين ماء 

تخليهم لغاية ما تغلي 

بعد كذه أضيف مكعبات القرع 

و لما يستوى << القرع و الجزر >> 

تحطي الشوربة في الخلاط >>  انا احط الجزر و القرع بس بدون المرقة 

و بعد ما اهرسها احطها على باقي الشوربة 

في هذا الوقت اضيف الجمبري  ثم كريمة الخفق و تخليها تغلي لمدة 3 دقايق 

و تقدميها بالعافية

مع رشة فلفل اسود او شوية كزبرة زي ما تحبي 

ان شاء الله تعجبكم الشوربة 

و القاكم في بوستات جديدة 

XOXO

صباح/ مساء الروقان 

تعرفوا الشعور اللي تحسوا فيه انه فيه حاجة لك ما انت قادرة تأخذيها 

هذا أحساسي اليوم 

لما جأني اتصال اليوم على جوالي 

و سمعت خبر من زمان نفسي أسمعه 

قد ما اسعدني هذا الاتصال قد ما ضايقني 

لكن ما علينا 

انا مقتنعة انه ربي ما كتبه ليه

و انا انتظر الافضل دائما 

أن شاء الله 

نصيحة 

أبدئي كل يوم و أنت متأكدة انك راح يصير لك شي حلو .... و لو خلص اليوم و ما صار شيء لا تزعلي بالعكس 

انت عملتي احلى حاجة و هي حسن الظن بالله 

و صباح الورد 

جنون 

about my

االسلام عليكم و رحمة الله و بركاته ...

حابة أعرفكم بنفسي 

انا بنت عشرينية  

ااعشق الفاشن و الميك اب و الديكور  و التسوق و كل شيء يخصني كأنثى  

راح تكون مدونتي منوعة  بين ميك اب و ديكور و ممكن مطاعم يعني راندوم  

أن شاء الله تعجبكم المدونة 

JANOOON